幸福，固然係代表 東京迪士尼渡假區 三十週年嘅歡樂慶典啦，但係點解叫做「童話之旅」呢？其實係同今次旅程嘅其他景點有關！不過我想賣下關子先... 我只可以講：今次旅程真係好豐富！
好啦，講返主角，東京迪士尼渡假區！經過15日嘅倒數，係時候回顧下過去咁多日嘅倒數圖片！每項都係我所期待嘅項目！特備活動、遊樂設施、娛樂表演、樂園佈置、酒店，全部都有齊哂！
15 DAYS LEFT - 今次到訪，重點項目必然係 東京迪士尼渡假區 三十週年慶典：歡樂幸福年！
14 DAYS LEFT - 東京迪士尼海洋 米奇和Duffy的春日巡航 捲土重來！又可以見到我最愛嘅 Duffy！
13 DAYS LEFT - 我最喜愛嘅 東京迪士尼樂園 遊樂設施：小熊維尼獵蜜記！周圍都係蜜糖呢！
12 DAYS LEFT - 東京迪士尼海洋 全新遊樂設施：反斗奇兵瘋狂遊戲屋！全體玩具出動！
11 DAYS LEFT - 全新 東京迪士尼樂園 日間巡遊：幸福在這裡！非同凡響嘅大型歡樂巡遊！
10 DAYS LEFT - 東京迪士尼海洋 晚間表演：Fantasmic！上次冇睇到，相隔一年終於有機會睇！
9 DAYS LEFT - 另一個我喜愛嘅 東京迪士尼樂園 遊樂設施：飛濺山！好得意嘅河流冒險！
8 DAYS LEFT - 我最喜愛嘅 東京迪士尼海洋 遊樂設施：驚魂古塔！滿佈撲朔迷離嘅氣氛！
7 DAYS LEFT - 幸福滿夜空，煙花表演都換上三十週年版本！唔知同上年會有咩分別呢？
6 DAYS LEFT - 春日特別表演：紐約復活節！最特別係將會上演晚間版本！值得一看！
5 DAYS LEFT - 華麗嘅 東京迪士尼樂園酒店！我已經準備好進入猶如夢境嘅童話國度！
4 DAYS LEFT - 迪士尼渡假區線 都換上三十週年設計！我亦會入住背後嘅 東京迪士尼海洋酒店！
3 DAYS LEFT - 充滿夢幻感覺嘅三十週年佈置！當初我就係見到呢啲佈置，先至決定改去日本！
2 DAYS LEFT - 上年錯過咗 Duffy迪士尼小熊 拍照景點，今次我要幫 Duffy 影多啲靚相！
1 DAY LEFT - 渡假區內最重要嘅元素係咩呢？當然係兩大主題公園，最後又點可以唔提佢地！
真係好期待啊！有咁多野等住我去玩、去睇、去做，我今次一定要響 東京迪士尼渡假區 玩到癲！為配合 東京迪士尼之旅2013 啟航，Tho's Dreams 亦已經即時換上「幸福童話之旅」主題背景！
咦！等陣！今次呢個旅行總共有13日，咁呢個Blog咪會接近兩個星期都冇野睇？咁點得架！嘿嘿，請放心，響旅程期間，我將會採用即時更新嘅方式，簡略地同大家分享我所遇到嘅事！
2013年6月4日 至 16日，幸福童話之旅，正式啟航！
沒有留言:
張貼留言