執好行李, 做足功課, 準備出發!

東京迪士尼之旅2013 聽日就要啟航啦！去旅行之前，當然要執行李啦！Duffy 都有執自己啲衫！先前搞咗個「Duffy 與你分享幸福歡樂」活動，邀請大家幫忙挑選帶邊一隻 Duffy 小熊去旅行；睇咗各個提議後，我最終決定帶 東京Duffy 陪我去！順便仲可以俾佢返去故鄉，東京迪士尼海洋！





今次旅行，我有自製行李牌！咦，咁呢張圖片有咩意思嘅呢？下一篇文章會再同大家分享！





花咗一個下午，大致上都已經執好哂行李；同上次一樣，未出發已經好似滿咗咁，咁點買野返黎？





參考完大家嘅提議，我亦都同 Duffy 揀咗啲衫，打算響遊園嘅時候俾佢著；再次感謝大家嘅意見！











出發前仲有一件好重要嘅野要做，就係做功課！呢份野包含咗行程資料、遊園攻略、財政預算！





話說，我每次去旅行都係前一日，甚至係出發嗰日嘅早上先至臨急臨忙執行李...  今次又係咁！咁我尋日做咗啲咩呢？我趁住去旅行之前再入樂園探一探 亨利爵士、阿拔，哈哈！







尋日我仲響 大冒險家餐廳 食咗日式八爪魚丸！雖然價錢唔算太化算，不過味道都唔錯！諗返轉頭，我都唔係好明，自己明明都快將出發去日本，點解唔等去到先食？





今次揀咗中國主題用餐區，整個餐區都充滿中式元素，正中央有一個古代中國少女玉像！





尋日我終於都響 動畫藝術教室 學咗畫 阿拔！第一次試畫，畫得麻麻地，要再練習一下先得！
我特別響 阿拔 嘅土耳其高帽上面，加咗一個 迷離大宅「MM」標誌！





黎緊兩個星期冇得見 阿拔，唔知我會唔會掛住佢呢？但可能掛住去玩，已經唔記得咗佢，哈！東京迪士尼之旅2013，明日正式啟航！Happiness is finally here！