2013年6月28日 下午4:00，今年首場 米奇水花巡遊 開始啦！首先出場嘅係 玩具兵團！
呢班士兵經已準備好對住你大噴水花！你又準備好俾水花由頭淋落尾未呢？
巴斯光年 緊接其後，佢拎住喇叭發出口令，指揮 玩具兵團 士兵們嘅水花任務！
之後有 三隻小豬 運送種子！狡猾嘅 壞狼 都有現身！唔通佢係黎搞破壞嘅？小豬們要小心啲啊！
下一架花車有 高飛 響上面！鋼牙奇奇、大鼻帝帝 兩隻花栗鼠亦響後面同大家揮手！
平時響園內偶然都可以見到 愛麗絲，黎到暑假，佢都有份參與 米奇水花巡遊 呢！
相反，白兔先生 近期就較少出現於樂園裡面，但係唔緊要，佢而家都黎咗幫手大噴水花！
緊隨其後，一架裝滿香水嘅花車慢慢駛近，米妮、黛絲 負責為所有植物增添香氣！
唔好忽略咗呢架花車嘅後半部，因為仲有 Marie 響到！身處於水花之中，睇黎佢都好開心喎！
同時間，睡公主、白雪公主、灰姑娘 以及 貝兒 嘅手上都拎住香水瓶，幫忙在空氣中散播香氣。
一班公主走過後，就會見到 唐老鴨 以及 布魯托！佢地兩位都興奮地同大家打招呼！
除咗 地球日活動，響 米奇水花巡遊 都可以遇到 蟋蟀占美尼！至於另一邊就有小木偶 皮諾丘！
主角出場啦！請大家歡迎：米奇老鼠！我好鍾意 米奇 著住嘅呢套衫，每次見到都覺得好靚！
史迪仔 亦都坐咗響呢架花車嘅最高點！睇住大家俾水花淋濕，唔知佢有冇暗暗偷笑呢？哈哈！
接近巡遊尾聲，有我喜愛嘅 小熊維尼 啊！而佢嘅好朋友，依唷，亦有陪佢一齊黎玩！
最後一架花車，胡迪、翠絲 企咗響吹風機上面！亦有另一班 玩具兵團 圍住佢地，啟動吹風機！
一場愉快嘅巡遊就此完結，多謝各位 迪士尼朋友、演藝人員 為我地帶來水花！我地下次再見啦！
沒有留言:
張貼留言