2013七月份焦點迪士尼朋友 - Sulley & Mike

踏入七月，相信學生們開始放暑假啦！但係唔好唔記得，今個夏日有得返 怪獸大學 啊！為配合電影《怪獸大學》響7月11日上映，我就專登揀咗 毛毛、大眼仔 成為今個月嘅焦點！

除咗新電影上畫，今個月都仲有一個重要嘅紀念日，就係 7月14日 灰熊山谷 開幕一週年！以下係今個月 迪士尼朋友 月曆嘅樂園版本，我經已響 7月14日 加入咗 灰熊山谷 標誌！







而尋日響正式進入七月份之前，Tho's Dreams 都有特別嘅事發生，就係累積咗二十萬瀏覽次數！響過去嘅一年半裡面，由零慢慢變到二十萬，再認識到一眾網友，我覺得自己的確係好幸運！

有時候我未必能夠如期發表新文章，甚至出現「走數」情況，都好感謝各位對我嘅支持以及體諒！前幾日因為《幸福‧童話》嘅遲延，我話過會有一個補償！請大家再等一等，好快就會有架啦！