暑假招收怪獸大學生! 你有潛質成為優獸生嗎?

去咗兩個星期旅行，同 香港迪士尼樂園 有兩個星期無見，所以星期二就入咗去樂園玩！今次入去，最重要嘅當然係要睇下今年以《怪獸大學》做主題嘅夏日活動有啲咩得意野啦！





無見一排，竟然為我送上藍天白雲嘅美景！響咁嘅情境之下，突然覺得城堡比起平日更靚！





香港迪士尼樂園 今年嘅夏日活動響6月13日已經開始咗，當時我仲響東京進行緊春日巡航...  其中，焦點就係 動畫藝術廊 搖身一變，變成 怪獸大學行政大樓！呢次都改裝得唔錯！





行政大樓外面，除咗有好大個 怪獸大學 招牌，仲有各社、學會嘅標誌同埋招募廣告。

動畫藝術教室 更加被美術學會佔領咗！學會會員仲可以響呢到學習繪畫 大眼仔米高 呢！不過我呢一次入園響下午就走咗，大眼仔 要傍晚先有得畫，惟有下次再去畫啦！

而響行政大樓各處，亦可以見到一系列嘅 怪獸大學 海報，有好多怪獸新朋友！

好啦！等我入去行政大樓裡面啦！一入到去，就發現地毯上面印有好大個 怪獸大學 標誌！





為咗歡迎我地呢班新生，大樓內都特別掛上一串串旗幟，並有資料為我地介紹校園生活。

裡面分開兩部份，其中一邊可以登記入學，影學生相製作學生證，不過我打算下次先正式入學！另一邊就係行政辦公室，響告示板上又可以見到「歡迎新生 Welcome Freshmen」嘅字樣！





而辦公室嘅佈置都非常細緻！有好多文件，亦有好多信件！仲要係 怪獸大學 信封！

有一樣野引起咗我嘅注意，係一張招聘廣告！各位怪獸畢業生可以選擇成為 小孩防衛隊 嘅一員！





另一樣我覺得比較有趣嘅，係驚嚇系學生嘅參考書籍！有部份書名都幾搞笑！

但係唔好太投入於辨公室嘅裝飾，因為...  將會有兩位怪獸學生現身！記得要同佢地影相啊！





但係只得塑像又點得呢？唔洗擔心！兩位怪獸學生響活動期間，都會響行政大樓外同大家見面！

新活動開始，樂園指南自然再次換上新裝！園內亦開始派發新貼紙，又再有新嘅怪獸朋友！

夏日黎到，雖然有特別活動，但近期入樂園玩，天氣真係好熱！終於，米奇水花巡遊 今個星期五下午4:00就會再次載譽歸來！準備再一次被水花由頭淋落尾啦！