徽章分別係兩位我非常喜愛嘅 迪士尼朋友，Duffy迪士尼小熊 同埋 Oswald幸運兔子！
呢幾個 Duffy 徽章每個都有 隱藏米奇，要響園內同演藝人員交換先可以獲得，真係得來不易！另一特點就係 Duffy 戴著不同角色嘅帽子，有 小飛俠、唐老鴨 等等。
近期 香港迪士尼樂園 推出咗首個 Oswald 徽章，而呢位好友都帶咗兩個 Oswald 徽章俾我！響 迪士尼加州冒險樂園 裡面，Oswald 有一間專屬商店，店內亦有發售唔少佢嘅商品！
雖然 Duffy、Oswald 徽章我都好鍾意，但係我今次最鍾意嘅係呢本便條簿，因為好有意義！話說，迪士尼樂園 響早期嘅時候，入場同埋遊樂設施係分開收費嘅，並且設有遊樂設施使用卷。
而呢本便條簿正正就係參照遊樂設施使用卷黎設計嘅，使用A-E五個英文字母黎作出區分；A係最低級，E係最高級，依照遊樂體驗黎評級，幽靈公館 呢類就係E級，被稱為 E-Ticket Ride。
剛剛去完 東京迪士尼，之後又有珍貴嘅 美國迪士尼 收藏品，好開心啊！再一次多謝呢位好朋友！
沒有留言:
張貼留言