體驗樂園無界! 又係時候續會啦!

去完旅行買咗超多野，但係返到黎香港都仲有一樣野需要我破費...  就係 奇妙處處通 續會！樂園響幾個月前就加咗價，不過固有會員就可以響6月30日前用舊價續會，搞到我都趕住要續！





因為之前被抽中參加 迷離莊園 預演日，所以最後就決定今次都會繼續選擇白金級別。我原本係今年9月先到期，今次續會後再送三個月會藉，去到下年年尾都唔需要再續會了！





每次續會都會送一條掛繩，上年配合 反斗奇兵大本營 開幕，掛繩都換上 反斗奇兵 主題；至於今年就用咗怪獸做主題，掛繩上面可以見到 毛毛、大眼仔 圖案，亦有 奇妙處處通 嘅標誌！





另外仲有一張優惠卷，可以選擇換取一份晚餐，或者一套珍藏版 怪獸公司 徽章。我當然係揀徽章啦！有錢都買唔到架喎，特別珍貴！而今次呢幾個徽章亦都比一般徽章大啲啲。





講起續會，園方早前都有寄到一封信俾我，提及到6月30日前可以用舊價續會嘅呢個安排；雖然正常黎講有冇呢封信我都會續，但係我都好期待佢地寄呢類信件黎！因為通常都設計得好靚！





呢幾日都講咗一啲 香港迪士尼、美國迪士尼 嘅相關主題，同 東京迪士尼之旅 冇咩關係...  好啦，而家就等我率先預告！聽日將會有《幸福‧童話》嘅第二個章節登場！敬請大家繼續期待！