《幸福‧童話》故事嘅新一個章節正在趕工，但係尋覓童話嘅故事已經悄悄地有咗新嘅進展！唔知大家響今日下午入黎 Tho's Dreams 嘅時候，有冇發現到最頂端嘅標題圖片突然唔同咗呢？新嘅標題圖片顯示咗一頂好靚嘅 米奇魔法帽，同時間，下面亦都出現咗一啲 米奇汽球！
其實，嗰十二個汽球係 幸福童話集點器 黎嘅，每一個汽球代表咗 幸福童話之旅 嘅一個童話。根據而家嘅故事發展，男孩經已尋覓咗七個童話，所以首七個汽球就展現咗相關嘅主題。以後每當再有一個新童話出現，剩餘嘅五個汽球就會被啟動，將男孩所搵到嘅童話紀錄低！
另一方面，米奇魔法帽 標題圖片響呢一刻暫時係未完整嘅，有一部份失去咗顏色，只得白色...當全部十二個汽球都啟動咗之後，米奇魔法帽 就可以重拾色彩，非常完美咁展示於大家眼前！最後，呢頂魔法帽就會施展魔法，打開歡樂大門，開啟有關 東京迪士尼渡假區 嘅兩個文章分類！
沒有留言:
張貼留言