迪士尼黑色世界2013: 黑色力量神秘現身...

好快又到一整年之中我最愛嘅特別活動，迪士尼黑色世界！好想快啲知道今年嘅活動詳情啊！園方往往都好遲先至公佈資料，不過唔緊要，我地都可以憑著一啲蛛絲馬跡預計活動日期嘅！

我所講嘅蛛絲馬跡，就係樂園網站嘅月曆！原來黑色力量經已靜悄悄地響月曆裡面現身！每逄有 迪士尼黑色世界 進行嘅日子，樂園都會延長開放時間至晚上11:00，呢樣就係一大線索！

從月曆可以睇得到，樂園響9月12日將會於下午11:00關閉，咁即係話呢晚會有黑色世界活動！咦？9月12日？咪係 香港迪士尼樂園 八歲生日？兩樣盛事發生響同一日，吸引到你入園嗎？

上年 迪士尼黑色世界2012 就有兩晚試玩夜，奇妙處處通 會員以及當晚入場嘅賓客可以優先試玩。睇返整個九月嘅樂園開放時間，只有一日開放至晚上11:00，相信今年只會剩下一晚優先試玩夜...

假如9月12日未有時間率先入園感受萬聖節氣氛，就可能要等到十月上旬活動正式開始先有得玩；繼續以開放時間推測，今年活動會響10月4日正式開始，之後逄星期四至日舉行，直至10月31日。

雖然可以憑住樂園開放時間去推斷活動日期，但係今年有咩新搞作就真係需要等待官方公佈啦...  究竟今年嘅 迪士尼黑色世界2013 會唔會有特別驚喜俾我地呢？就等我地繼續拭目以待！