尋日發表嘅《幸福‧童話》魔法之章，男孩就揮動魔法棒，打開幸福歡樂的大門。其實嗰支魔法棒係來自日本嘅 迪士尼商店！今日就等我順道分享一下 迪士尼商品 嘅文具精品！
嗰支魔法棒原來嘅面貌，只係一支平平無奇嘅原子筆，上面有 魔法師米奇 同埋幾粒星星。
呢支筆附有一個 米奇魔法帽 筆蓋，只要將筆蓋拆出黎，就可以寫字架啦！
神奇嘅事情發生啦！呢支筆不斷延伸，變得愈黎愈長，最後變成一支魔法棒！好正！
魔法棒究竟有幾長？伸到最盡的話，仲高過一隻 大Duffy！好厲害啊！
我響 迪士尼商店 都買咗好多文具，其中一樣我幾鍾意嘅，係一套文件夾套裝！有一個文件夾印有不同造型嘅 豆豆，好得意啊！另外亦有兩個分別係 大眼仔及毛毛、三眼仔。
呢個套裝總共有四個文件夾，最後一個就係大雜儈！有齊哂以上提及過嘅所有 迪士尼朋友！
正面就係 大眼仔、毛毛，背面就係 豆豆、三眼仔！又係有好多搞鬼造型！
除此之外，我都買咗一個獨立發售嘅文件夾，主角就係：鴨咀獸泰瑞！
泰瑞 只不過係一隻鴨咀獸，唔做得啲咩；但係將文件夾反轉，佢就化身成密探，要去對抗惡勢力！
之後就有便條套裝！封面有好多 迪士尼朋友！搞到我又俾佢吸引咗，買咗返黎！
當然就唔少得 米奇家族 啦！我另外仲見到 小飛象、奇妙仙子... 可以話係滿足哂所有人嘅喜好！
裡面有好多款便條，但係有一款特別引起我嘅注意！右邊嗰版嘅左下角，有經典版 米奇、米妮！
講起經典版角色，迪士尼商店 都有推出好多經典版 小熊維尼 嘅商品！我又買咗兩款精品！
呢個信紙套裝就有好靚嘅信紙同埋信封，亦有設計到好似蠟印嘅貼紙！
整個套裝包含咗好多野，除咗以上物品，仲有兩種小飾物！不過我就諗唔到條鎖匙有咩用... 諗返轉頭，有幾多野我買咗返黎係會用丫... 所以，最重要係靚！哈哈！
另一款經典版 小熊維尼 精品都好靚架！係貼紙！買一套貼紙會附送塑膠袋，同樣係好靚！
有部份讀者應該知道，我係好喜歡買貼紙嘅，因為我鍾意欣賞印響貼紙上面嘅 迪士尼朋友 圖畫。而日本嗰邊係有好多好多貼紙賣，我又點會忍到手呢？結果就係...
有一套貼紙係用咗郵票做主題，並且又係有好多不同嘅 迪士尼朋友。
郵票貼紙有大有細，咁啱我喜愛嘅 小熊維尼、小飛象 係大嗰兩款，好開心！
唔係每套貼紙都附有塑膠袋，例如呢套Q版 小熊維尼 貼紙就係冇嘅；不過我好鍾意啲蜜糖罐！
而講到我最愛嘅一套貼紙，就係以下呢張！全部都係 豆豆 黎架！
話說，大家知唔知道，豆豆 入面有其中一粒係妹妹黎嘅！望真啲，你睇唔睇得出邊粒係女仔呢？
呢篇完結之前我想問下，當你一入黎 Tho's Dreams，見到只得呢篇文章，有冇一刻想噓我？請放心，我已經製作緊首篇有關 東京迪士尼渡假區 嘅文章，內容非常豐富！好快會有得睇架啦！;)
沒有留言:
張貼留言