十月啦！每年嘅呢個時候，樂園總會變得非常熱鬧，因為有全年最大規模嘅節慶活動：迪士尼黑色世界！過往嘅黑色世界，通常都係由 南瓜王阿積 做主角；但係園方今年響中心廣場設置咗一個 查立保 塑像，魔界之神即時搶去唔少風頭！所以，今個月嘅焦點 迪士尼朋友 揀咗佢黎做，可以話係最合適嘅選擇！
今個月嘅 香港迪士尼樂園 版本月曆，當然就有顯示 迪士尼黑色世界2013 活動日子；活動將會響10月4日至31日逢星期四至日舉行。另外要注意嘅係，10月14日係重陽節假期，但並唔係 奇妙處處通 紅卡、銀卡不適用日子！雖然嗰日就冇黑色世界活動，不過放假，都可以考慮一下入園玩！
話時話，我發現園內嘅 查立保 塑像都幾忠於原著；查立保 係響1940年嘅《幻想曲 Fantasia》現身嘅。電影中，佢將開翅膀，下半身嵌入響石頭裡面，咁咪同樂園嗰個塑像一樣！大家入到去樂園嘅時候，記得要同威嚴嘅魔界之神影返張相！不過千祈唔好叫出聲，因為...「好玩 唔好叫」！哈哈！
沒有留言:
張貼留言