奇幻異演, 不同奇人異士讓你大開眼界!

今晚係萬聖節，響到祝大家萬聖節快樂！唔知你今晚去咗邊到玩呢？我就剛剛離開咗樂園，今晚同朋友玩得好開心呢！

迪士尼黑色世界2013 話咁快就黎到最後一晚，今年眾多嘅活動項目之中，你最鍾意邊一個呢？相信，各位讀者們應該都知道我最鍾意嘅活動項目係邊一個；因為我成日都提起佢，甚至連萬聖節主題故事都係用佢做題材！冇錯，就係 黑色嘉年華「異」演！

既然活動都已經黎到尾聲，咁今晚就又再講下呢個項目啦！黑色嘉年華「異」演 總共有六位奇人異士響到演出，佢地會分為兩批出場；嘩，佢地連出場都有氣勢過人，大大個招牌之餘，仲有助手幫佢地開路！

呢六位奇人異士係邊個呢？一，半人半蝙幅嘅 蝙蝠紳士！二，擁有柔軟身體嘅 瘋骨妖姬！三，冰艷動人嘅 冰女王！四，鳥兒嘅化身 黑鳥夫人！五，威武樹人 森武士！六，懂得自我燃燒嘅 火焰神！

其實之前試玩夜之後我都有介紹過呢個 黑色嘉年華「異」演，提及到佢地會有小型演出以及合照時間；講過嘅野我就唔重覆了...  今次有一樣特別嘅裝飾想講，就係招牌！

剛才講到，每位奇人異士出場嘅時候都會有招牌；其實，響佢地逗留響表演蓬車嘅期間，嗰塊招牌係會一直插住響旁邊。而我覺得招牌上嘅圖畫都幾靚，雖然係同現實不太相乎，哈哈！

如果俾你揀，你認為邊位奇人異士最吸引呢？我最愛嘅就係...  其實都唔洗講啦，《黑色異幻》故事都已經揀咗佢地兩位做主角！蝙蝠紳士、冰女王 作為我個故事嘅男女主角，我當然都有幫佢地影咗唔少寫真，嘿嘿！

仲記唔記得《黑色異幻》第三章嘅情節呢？蝙蝠紳士、冰女王 響演出期間，都會偷望對方！配合我嘅故事劇情，我就特別影咗以下呢兩張相，同故事中嘅圖片相唔相似呢？

明明講緊 黑色嘉年華「異」演，最後又無啦啦講到去《黑色異幻》故事...  都講開啦，順便做多個預告！今日早上我就出咗第四章，話佢地成功脫離險境，但故事仲未完架！聽日我就會出埋最終章以及故事解說，敬請繼續期待！