黎到全年嘅最後一個月啦！十二月，天氣開始轉冷，聖誕節亦都快將來臨，你準備好渡過佳節未呢？今個月嘅焦點 迪士尼朋友 月曆，用聖誕節做主題，大家都應該唔會有異議吧！而今次亦係焦點 迪士尼朋友 月曆推出以黎，有最多 迪士尼朋友 同時成為焦點嘅一次，一共有四位呢！佢地就係黎自《Winnie the Pooh》系列嘅 Pooh、Tigger、Piglet 以及 Eeyore！
佢地四個響漫天飛雪之下，正在準備一棵聖誕樹！咦，但係呢棵聖誕樹好似同我地平時嗰啲有少少唔同喎... 咁又令我諗起響園內正在上演嘅 灰熊手偶劇場，熊寶寶 同樣擁有一棵獨一無二嘅聖誕樹！其實，聖誕樹係唔係同平時一樣都唔緊要啦，最重要係佢所盛載嘅意義！
每逄黎到十二月，奇妙處處通 會員都會有較多不適用日子，12月19日至1月1日都係紅卡、銀卡、金卡會員嘅不適用日子，大家記得趁住響呢段期間之前入園體驗 迪士尼雪亮聖誕2013 啦！
不斷講聖誕節，但唔好唔記得，十二月都仲有一件有關 迪士尼 嘅大事啊！就係，12月5日係 華特迪士尼先生 嘅生日啊！華特迪士尼先生 係一位我好敬重嘅人物，佢充滿想像力，有夢想有遠見，努力為所有人帶黎歡樂；今日，我想響呢到向呢位大夢想家送上生日祝福，並且感對佢所貢獻過嘅一切！多謝你啊，華特迪士尼先生，祝你生日快樂！
沒有留言:
張貼留言