欣賞獨特的聖誕樹, 感受歡樂聖誕氣氛!

平安夜嘅早上，為大家送上一棵非常特別嘅聖誕樹！之前就分享過，香港迪士尼樂園、海港城 合作設計咗一個大型聖誕佈置，開放後更加成為城中熱點，吸引咗好多人去參觀；但原來商場入面都有得意野睇，就係一棵與別不同嘅聖誕樹！

點解話佢與別不同呢？大家見到相片都應該明白點解！平常嘅聖誕樹會由樹葉所組成，但呢棵聖誕樹就係由毛公仔所組成！整棵樹被分成好多層，而每一層都放滿不同嘅 迪士尼朋友 毛公仔，好可愛！

由最底開始睇起，有一個領結，上面寫有「Merry Christmas 2013 Harbour City」嘅字樣。底座有一啲傳統嘅聖誕裝飾，然後，上面就開始係得意嘅毛公仔啦！

第一層：米奇老鼠。

第二層：米妮老鼠。

第三層：Marie。

第四層：大眼仔。

第五層：毛毛。

第六層：史迪仔。

第七層：勞酥。

第八層：Mo仔。

第九層：小飛象。

第十層：阿拔。

第十一層：翠絲。

最頂層：胡迪。

聖誕樹嘅最頂端有一個金色嘅 米奇頭形裝飾，比起普通聖誕樹嘅星星更加突出！

行樓梯上去，用另一個角度欣賞呢棵聖誕樹先！

順帶一提，海港時 而家設有 香港迪士尼樂園售票處；連個售票窗口都係 米奇頭形快樂汽球，真係別出心裁！

旁邊嘅玻璃欄都貼上樂園全景圖，雖然見過好多次，但我依然覺得呢幅圖好靚！

最後，送上一張 米奇、米妮 企響雪橇花車上面嘅圖片，並且預祝大家聖誕快樂！