雖然已經開始籌備 東京迪士尼之旅2014，但係 東京迪士尼之旅2013 嘅遊記依然會陸續推出！今日就同大家講下 Duffy迪士尼小熊 拍照熱點！響 東京迪士尼海洋 入面，園方設立咗多個 Duffy 拍照熱點，係一個可以俾賓客為自己嘅 Duffy小熊 拍照留念嘅位置！於是，我又走遍整個樂園，將呢啲拍照熱點搵哂出黎，同我嘅 Duffy小熊 影下相！
由 Duffy 嘅故鄉 Cape Cod 出發，咦，呢到更加有春日巡航特別版拍照熱點，被盛放嘅花朵包圍！
離 Cape Cod 最近嘅主題園區就係 發現港，除咗充滿時代感嘅建築物，仲可以見到水上飄浮船。
下個園區係 失落河三角洲，Duffy，認唔認得遠處嘅古式塔樓？我地去過裡面探險架！
繼續向前行，黎到 阿拉丁 嘅家園，阿拉伯海岸！沙漠當中都有河流同埋綠州，仲有商船呢！
阿拉伯海岸 都係其中一個春日巡航相關園區，所以呢到都有特別版拍照熱點。
除咗花圃之外，呢個特別版拍照熱點嘅周圍都係居民們嘅生活用品，睇下牆上款式多樣嘅餐碟！
探完 阿拉丁，當然要去埋旁邊嘅 美人魚礁湖 探訪 艾利奧！就連 Duffy 都話呢座海洋皇宮好宏偉！
Duffy，我地行咗幾多個園區啊？黎到第六個園區，響 神秘島 Prometheus火山 下面影張相啦！
再下一個園區就係 地中海港灣，又有特別版拍照熱點，旁邊仲有啲古城石塊喎！
去到古典意大利風格港灣，Duffy，不如我地去著名水鄉威尼斯睇下啦！
終於返到黎 美國海濱，響呢個園區嘅每個角落都可以望到大型郵輪 S.S.Columbia號。
紐約市中心廣場 種滿色彩繽紛嘅花圃，又幫 Duffy 響呢個特別版拍照熱點影下相！
又再遊園一圈，最後，響 Cape Cod 地標燈塔前面影最後一張相！
或者大家會有一個疑問，究竟我響 東京迪士尼海洋 環繞咗幾多個圈呢？先前已經講過收集幸福歡樂點數、乘坐蒸汽船，夾夾埋埋咪好多個圈？其實我自己都已經唔記得咗，總之就行咗好多個圈，不過我就係一個鍾意周圍行黎行去嘅人；下篇文章所介紹嘅活動又係要行哂全個樂園先玩到，哈哈！
沒有留言:
張貼留言