為慶祝 迷離莊園 開幕一週年,響一週年嘅前夕我就帶咗自己嘅 阿拔 公仔返到去佢嘅故鄉玩下!雖然只係短短個幾鐘頭,但係佢都經歷咗好多野!佢話要同所有人分享佢嘅奇幻歷程喎,不如大家都一齊睇下佢遇上咩野事情啦!
參觀 亨利博士 嘅私人博物館,阿拔 見到一幅猴紋音樂盒嘅畫作,即刻衝咗埋去摸...
一路排隊一路響等待區走黎走去... 阿拔,你乖啲啦!
見到呢幅畫作,阿拔 即時搖一搖頭上嘅土耳其高帽,似乎想要向所有人炫耀一番!
登上電磁廂車,記得坐好,拉低欄杆,安全最緊要!
響大宅裡面大開奇幻眼界,見到自己狼狽嘅一面,唔知 阿拔 有咩感覺呢?
出到去 迷離珍藏店,又有音樂盒,阿拔 點會忍得住唔去搞佢呢...?
咦,呢到有好多朋友仔喎!阿拔,你記得嗎?一年前我就係響呢到買你返去!
一場黎到,順便去埋園區內嘅其餘部份啦!迷離莊園貨運站!
唔通佢都想幫手拆貨?睇黎 阿拔 都唔係剩係識得搗亂嘅!
但係之後又話咁快回復返調皮嘅一面,走咗上去古埃及石像...
時候都唔早啦,樂園都就黎關門,臨走前響 迷離大宅 底下影返張相留念啦!
阿拔 想知道幾時先可以再黎 迷離莊園 玩... 好啦,假如你做一隻乖猴子,我就帶你黎過啦!
咁咪即係以後都唔洗再黎?佢曳曳嘅性格應該都幾難改... 哈哈!
哈哈, 阿拔真係頑皮呀!!
回覆刪除就係佢頑皮嘅性格為我地帶黎好多歡樂!! :)
回覆刪除