尋日，可能係我感到最傷感嘅 迪士尼 之旅，因為我失去一樣寶貴嘅東西... 我竟然響樂園內唔見咗我嘅迷你 迪士尼小熊Duffy... 佢原本仍然帶住笑臉，掛咗響我嘅袋上面。或者，係響我無為意嘅時候，綁著 Duffy 嘅小鐵圈鬆脫咗...
過去嘅兩日，每當我見到先前為佢拍攝嘅照片，都會覺得好心酸... 過去嘅一年，我同佢渡過了好多好多時光... 響我補習嘅時候，佢都會陪伴著我，為我打氣。響我出去嘅時候，佢都會同我一齊玩。黎到呢一刻，一切已經破滅了...
當然，我知道我大概可以買一隻新嘅小熊黎取代佢。但我痛心嘅係，我冇做好一位主人的責任，好好睇實佢... 而家，就算我有幾擔心佢嘅去向，都無辦法挽救呢一切。我只可以講：佢嘅價值，絕對比$95珍貴千千萬萬倍...
沒有留言:
張貼留言