唔知去過迪士尼樂園既朋友，你地去既時候，係幾點入到去呢？由於由我屋企前往樂園既車程，最快大約都要接近一個鐘，所以咁耐以黎，都唔會太早入去既。之前有一次，因為當日要早走，同埋想趁朝早人少，玩下 反斗奇兵大本營 入面既遊樂設施，特別早少少入去。
響偶然間發現，原來樂園開放之前，係會倒數架！不過我都比較遲左，俾堆積既人群遮住左，咩都睇唔到...於是，我就決定響2號果日，再早少少入去體驗一下。當日，我特別係8點鐘起身，搭車入去樂園。到達既時候，大約係9時40分，個天好似未係好光亮...
入場後，就向前行啦。原來，響未到正式開放之前，大家都唔可以超越 美國小鎮大街 既盡頭架！在場會有演藝人員「看守」住。
城堡後面，相信一眾演藝人員正為樂園正式開放而準備...
之後，臨近開放既時候，會由一位預先挑選左既賓客，為樂園主持 開放典禮。
大鼻 以及 鋼牙 更加會出黎同大家見面！相信不同 迪士尼朋友 會輪流響不同日子同大家見面。
倒數過後，賓客們就會用盡氣力，向住自己心目中既目的地進發！
沒有留言:
張貼留言