響眾多樂園節慶活動入面，我最鐘意既，就係 迪士尼黑色世界 啦！因為夠刺激，夠過癮嘛！前幾日睇返D相，見返幾年前既 黑色世界，真係令人回味... 2008年，以南瓜王 阿積(Jack) 為主題，周圍都有佢既蹤影！響樂園正門既巨型 Jack 同埋 Sally 裝潢。
連 迎樂路 既旗幟都係以 Jack 同 Sally 做主題。
而街燈就用南瓜 Mickey 同埋 Jack 做裝飾。
樂園入面，美國小鎮大街 既樹上掛滿 Jack 既頭啊！
而牆上亦都放上 Jack 同埋 Sally 既畫像。
城堡前既位置就以 Jack 同埋水井做佈置；正正就係 怪誕城之夜 入面既 其中一個場景！
2009年，以外星人入侵樂園為主題，更新增 宇宙深寒 鬼屋！但係我搵唔返D相=_= 其實我好鐘意 宇宙深寒，可惜樂園之後冇再開放呢個鬼屋... 2010年，以黑巫婆為主題，更有 萬聖節 特備煙花表演！今次就到 魔龍 同埋 黑巫婆 登上樂園正門既位置。
而樂園路燈亦被 魔龍 同埋 黑巫婆 佔據！
城堡前亦變成 魔龍 既據點，我記得 魔龍 仲識噴煙！
2011年，以全新 斷頭騎士 為主題，更新增不同節目及鬼屋！今年相對我就影多左好多相，亦多左入樂園！一入去去就可以見到火車站前放上了南瓜裝飾。
呢年，城堡前就換上鬼樹同埋墳墓裝潢。
美國鬼鎮大街 D鬼鬼。
新增鬼屋 - 黑色馬戲班。
更有矚目既 斷頭騎士出巡！
唔知今年既 黑色世界 活動會有咩新野玩呢？之前既聖誕同埋農曆新年活動，好似因為 反斗奇兵大本營 既開幕，而減少左節目。希望今次既 迪士尼黑色世界 唔會因為 灰熊山谷 而變得冇咁豐富啦！仲有半年，就只好等一等啦！
沒有留言:
張貼留言