今日又偷偷地響補習前入一入樂園啦！我諗，我之前話呢排唔入去，都係當我冇講過啦，我都係忍唔到架啦 -_- 下午1:45已經要補習，即係12:45就要走；雖然時間唔算長，不過可以入一入去，就已經好足夠俾我放鬆自己架啦！3月28日開始考公開試，諗住3月26日再入一入樂園，休息一下之後就去衝刺！
1:45就要補習，仲補兩個幾鐘，即係要響樂園入面食午餐啦... 不過又唔想咁早食咁多野，所以就去搵下有咩小食。樂園入面有熱狗、窩夫等等既小食，不過都係因為價錢太貴，買唔落手。最後諗諗下，好似好耐冇食過樂園既爆谷，於是就買左一桶黎食。
我覺得樂園既爆谷都幾好味，價錢相對亦唔係貴。所以小食黎講都係一個唔錯既選擇。而且，個盒仲好靚添！買完之後，就不停口咁食、食、食... 感覺上都已經食左好多啦，所以已經有少少飽，點知一望，竟然好似冇減少過咁！
就咁扔左佢，又好似好浪費咁，所以最後尾就放左入袋拎走。而家拎到返黎屋企，可以點處置佢地呢，我唔知食唔食得哂喎！過點都好，拎到返黎，起碼我可以洗返個盒儲起佢，哈哈！
沒有留言:
張貼留言