尋日入樂園既時候，發生左一件好得意既事！平常入好樂園，第一時間都會走入 反斗奇兵大本營，趁冇咩人既時候去玩。琴日都一樣，早上一入到去就入去玩，玩左一陣之後，諗住走出去玩其他野，不過咁啱見到一班應該係模特兒同埋攝影師入黎，模特兒既身上有掛上星級禮遇徽章，咁就唔走住，留低睇下佢地有咩搞。
相信佢地就係幫 迪士尼星級款待 活動拍攝推廣照片，之後見到有 玩具兵團 出現，原來係同模特兒齊齊玩 反斗兵團跳降傘 啊！
相信響 迪士尼星級款待 活動開始後，我地都可以體驗到呢個奇妙時刻！
尋日都收到樂園傳送過黎既電郵，當中都有有關資料同埋 星級款款 活動既詳細資料！星期四就開始，不過都唔想浪費咁多時間再入樂園，只好遲少少先入去啦......
沒有留言:
張貼留言