去迪士尼做足準備! - 編制日程好幫手

唔知大家有冇引象，響 香港迪士尼樂園 就嚟開幕嘅時候，香港政府出咗一個廣告，叫做「去迪士尼做足準備」，教大家點去樂園。仲有首好搞笑嘅歌，我到而家都仲記得點唱 =_=  我今次都要做足準備啦！不過今次個「迪士尼」係講緊 東京迪士尼 啊！

無論係 海洋 定 樂園 都有咁多表演，去之前我真係要睇熟哂啲資料先，廢時到最後白白錯失部份精彩表演或好玩既遊樂設施啦！香港個樂園，去過咁多次，咁熟就話一日玩得哂...  但係去到東京，人生路不熟，個樂園又大香港咁多，唔知玩唔玩得哂！

回想，之前細細個跟爸媽去巴黎，我地連 FastPass 都未識拎，引象中只係不斷排隊，周圍都要排隊。幸好，之前睇過下啲等候時間，大部份都唔洗排好耐！( 佢地好先進，冇論係正常版定係手提版嘅網頁都有得睇等待時間 )暫定嘅攻略就係：拎 FastPass！檢查定表演時間！

但係令我嚇一跳既，反而係 Duffy Meet & Greet，影下相既等待時間...竟然係100分鐘！冇錯，係100分鐘！！可想而次，Duffy 響日本係幾受歡迎。咁究竟到時排唔排好呢...？又或者一早入去，避開人龍 ！但係平日去應該冇咁多人掛...

另外，我又響佢地日文版官方網頁搵到新玩意了！就係一個 日程編制系統，可以輕輕鬆鬆幫賓客響去之前計劃好日程。首先要揀你去邊個樂園，同埋邊個主題園區。

之後佢就會顯示嗰個園區嘅所有遊樂設施，只要將你想玩嘅遊樂設施拉過去個時間表就得！

仲可以自己預定玩嘅時間，拉長個框框。下圖係經過 Google翻譯 變成中文，我本身係揀搵 Duffy，但係佢譯得好怪，哈哈！

除此之外，仲可以揀步行、用膳、睇表演、Shopping。講起Shopping，響網上面睇到，傳聞如果要入 Duffy商店，因為太多人嘅關係，係要預先拎籌...  好似又係要等好耐，同埋有限制購物時間，我覺得好恐怖。我唔想等咁耐啊！ >_<

講返個系統，再次令我好佩服 東京迪士尼，做任何事都好細緻、周到。所以好相信到時去玩，必定會係一個會奇妙嘅體驗！