之前都同大家分享過我有個小習慣，就係儲筆記簿。每逄見到有靚嘅簿，都會買黎儲起佢。就好似有人鍾意儲金幣，有人鍾意儲郵票。只不過響我嘅故事入面，主角係簿。正正因為有呢個嗜好，我儲儲下都已經有好多好靚嘅簿，當然亦有好多係樂園嘅出品。
今日又響我其中一個 迪士尼專櫃 入面摷下野，又咁啱搵到一套之前響日本買嘅簿。( 次次都係咁啱摷下摷下先會發現到之前啲耐少少嘅收藏品，哈哈！)
呢套簿一共五本，係響 日本 嘅 迪士尼商店 買嘅。主題係 東京迪士尼海洋 九週年，因為嗰時係2010年。又係一套幾靚嘅簿，顯示了黃昏嘅 美國海濱 園區。( 美國海濱 即係 美國小鎮大街 嘅 迪士尼海洋 版本。)
講起上次去 日本 嘅戰利品，就順便上傳埋以下呢張相啦。以下呢張就係嗰次買返黎嘅 Winnie the Pooh。中型嗰隻係 香港 產品黎嘅，我帶咗佢同我一齊去旅行。
上次冇入到去樂園入面都有唔少收穫，咁今次咪...... 真係諗起都興奮啊，嘿嘿！
沒有留言:
張貼留言