特別的收藏品 - 迪士尼線列車模型

呢個月考試唔入樂園住，所以都冇咩野好分享。近期只好睇下 東京迪士尼海洋 既資料，等自己期待一下。不過篇篇都講日本之旅好似又太悶，就等我分享一下另一啲野啦！

2005年，響 香港迪士尼樂園 開幕既時候，不同機構同樂園方面都推出過好多不同收藏品，為求多方面宣傳樂園。我自己都有兩樣幾特別的收藏品，其中一樣就係 迪士尼線 列車模型了！

如果大家要去樂園玩，唔知你會用邊種方法去呢？講到方便，就當然係坐 港鐵 迪士尼線 入去啦！因為巴士路線不太廣泛，班次亦較疏，最重要係，我自己對鐵路較有興趣。港鐵 2005年應該都仲未合併，而當時既 地鐵 就推出左呢架列車模型。假如你搭過 迪士尼線，應該對一個個 米奇車窗 唔會陌生。

呢架列車模型仲配上四張限量版車票，組合成一個套裝。每張車票上除了有不同的 迪士尼朋友 之外，背景更加係開幕時四個園區既概念圖！

除了呢個列車套裝之外，我仲有另外一樣同樂園開幕有關既收藏品，不過就收得好入，要搵一搵，考試完結後再同大家分享，你亦可以估下究竟係咩！^_^