Duffy迪士尼小熊 的春日巡航日誌!

呢排溫書溫到累嘅時候，就會上去 東京迪士尼海洋 個網頁，睇下樂園既資料，為到訪做下準備之餘，就係要幫我打打氣！因為真係諗起就開心，好期待當天既來臨！響日文版官方網頁入面，有一個 Duffy之旅 咁既按鈕，Click左之後就會跳到去一本屬於 Duffy 既春日巡航日誌！

佢地每日都會更新，放一張相上去，係有關 Duffy 嘅春日之旅。呢個網頁好靚，整到好似一個月曆咁。

而每張相都有附上一段短短地嘅文章，記錄低 Duffy 經歷過既野！ 可惜我唔識日文，之前學過下但都不太成功，而家只好靠翻譯網站理解...

上面啲相都影得好靚！大部份都係有關 Duffy 同朋友仔 ShellieMay 嘅旅程。

另外亦有部份係有關 春日巡航 活動中特備節目嘅相片。

亦有相片係展示 東京迪士尼海洋 樂園嘅景色。

我好鍾意呢張相！啲燈光好燦爛啊！

如果我都可以影到啲咁靚既相就好啦！不經不覺，兩個禮拜既緩衝期快要過去，星期一就要再次應考了！星期一考既係數學，繼續祝我自己考試成功！都係嗰句，4月27日一考完最後一科，就衝入樂園玩！響呢段期間都未必會寫Blog住，考完試後先再寫，希望大家見諒 >_<