昨日終於考完試啦！沿原先計劃，考試一完結就搭車衝入樂園。響樂園入面都遇到好多有趣嘅事，可惜嘅係，又遇上一個下雨天。記憶中，都未試過響樂園入面撞正咁大場雨，好唔方便。亦因為咁，樂園入面少咗好多人。
之前有一篇文章講過下雨中嘅 迪士尼飛天巡遊，尋日仲諗住咁大雨，可能有機會睇下 米奇滴答列車，但係最後都係直接取消巡遊，咩都冇得睇，可以話係一個小遺憾。不過唔緊要啦，最緊要係玩得開心！
響 奇妙處處通會員服務中心 粉飾完成後，動畫藝術廊 又加返啲展覽品啦！今次見到我愛嘅 Dumbo，另外仲有 愛麗絲 等等不同嘅 迪士尼朋友。
繼續有 迪士尼星級款待 嘅奇妙體驗，響 明日世界 入面遇上 Jammitors。
雨下的 小小世界，好似有點失色。但入面依然散發著歡樂嘅氣氛。
去到下午四點幾，因為雨愈落愈大，去咗睇 獅子王慶典 避避雨。不過其實我本身都想去睇嘅，因為之前劇場要保養，好耐冇睇啦...
哈哈，而家考完試冇哂束縛，我諗我好快又會入去玩過！
沒有留言:
張貼留言