地球日! 提提自己愛護地球!

其實入樂園，都未必只係可以玩架，隨時都會學到野！之前，曾經試過兩次跟學校入樂園參加 YES Program 通識之旅，途中，每一樣嘅樂園事物，轉眼間就變成了教材，縕含箇中意義。

但係係唔係要俾錢參加呢啲課程先可以學到野呢？當然唔係啦！一年一度嘅 地球日 就已經係一個好好嘅例子啦！樂園每年都會舉辦 地球日 活動，宣揚愛護環境嘅資訊。響樂園入面，睇下 地球日 資料板，可以知道一些樂園響環保方面嘅小秘密。

我自己本身對環保呢個議題都幾有興趣，話哂，我地居住響呢個地球上，我地當然有責任要好好保護我地家園啦！我以前連有 地球日 呢個世界性活動都唔知，但係樂園每年都有有關活動，起碼，我呢一刻會好記得，地球日 係響每年嘅4月22日！

我原本想參加 綠色優悠之旅，聽下更多有關環保嘅小故事！可惜只係星期六、日先有得參加，唔啱時間啦...  尋日響樂園入面都拎到一些與 地球日 有關嘅收藏品，有啲仲係響好意外嘅情形底下獲得！

不過我發現自己同 地球日 都幾有緣！今次剛好趕得切考完試之後 地球日 活動都仲未完結。而上年咁啱又響 地球日 活動期間入咗樂園玩。呢張就係上年嘅時間表。

除了 地球日 嘅收藏品之外，當然亦有其他收藏品啦！不過發現有樣得意野，就係昨天 探險世界 一張新的貼紙或珍藏卡都冇，每一位演藝人員都只係派緊上一期嘅 Donald 卡，哈哈，我而家有好多 Donald！