媽媽同我講，話今次應該唔會去住 迪士尼酒店 了；因為始終都的確係太貴，最平都好似要大約$3000港幣，其他酒店都只係$1000幾。再者既就係，日本人實在太強了！仲有成2個幾月，好多房間就已經訂滿了！
今次去 迪士尼海洋，原本就當然都去住 迪士尼海洋酒店 啦。全間酒店都係用了傳統英式風格，以海洋為主題，睇官方網頁既相都覺得幾靚。仲適逄有「米奇 與 Duffy 的春日巡航」活動，酒店房卡都換上新設計！
不過確實，為了張房卡同靚少少既佈置就要俾多咁多錢，的確係有啲唔化算。但係，媽媽應承咗我，今年生日會同我入住 香港迪士尼樂園 既酒店啊！之前都講過，咁大個仔都未住過任何一間既 迪士尼酒店，香港既都冇。今年生日能夠響 迪士尼酒店 之中渡過，相信都會係一件幾開心既事！何況，香港呢邊最平大約$1500就有交易，奇妙處處通 會員又有折扣優惠，相比起日本，點都係抵住啲！我諗，我地香港呢邊就係有呢方面既優勢啦...
另一方面，媽媽話雖然今次響日本唔住 迪士尼酒店，但都會住渡假區入面既酒店。原來 東京迪士尼渡假區 入面，除了三間 迪士尼酒店之外，仲有另外幾間酒店；位置又方便，價錢又相對便宜得多，所以佢話可能可以住兩晚添！咁樣未嘗唔係一件好事！咁我地住了一晚，第二日一早先入樂園，可以趁早上唔係太多人既時候入去玩；最重要係要去同 Duffy 影相，避開嗰100分鐘既排隊人龍！
住兩晚，時間更加充裕，我仲可以輕輕鬆鬆行埋渡假區入面既其他地方！前兩年入過一次渡假區但係冇入樂園，唔係行入面既一間商場。商場入面有一間超大間既 迪士尼商店 Disney Store，專賣非樂園出品既精品。
至於另一邊，亦都有另一間超大間既商店，專賣兩個樂園出品既產品！上次冇去到，今次要去行下呢間商店，順便睇下有冇啲 東京迪士尼樂園 既商品啱心水！
沒有留言:
張貼留言