東京迪士尼海洋 - 米奇 和 Duffy 的春日巡航

正當我地 香港迪士尼樂園 呢邊既 迪士尼星級款待 活動舉行得如火如荼，日本方面響4月至6月都有特別活動！東京迪士尼樂園 就有以復活節為題既活動，而 東京迪士尼海洋 更加推出以 Duffy迪士尼小熊 為題既活動！

官方網頁上面寫既係「米奇 和 達菲 的春日巡航」，但係我自己唔太鍾意 達菲 呢個名，所以強行轉返做 Duffy。米奇 同 Duffy 雙雙向著一望無際既大海遠眺，一定係好期待今次既春日巡航啦！

今次活動除了有上一篇文章提及過既特別主題精品之外，仲有不同既新表演。除了有 Duffy 同 ShellieMay 之外，仲有其他響香港比較少見既 迪士尼朋友喎！我到時一定要影多啲相返黎啦！

仲有好多園藝擺設，先前有放過 Duffy 花園既相上黎。響樂園既不同位置都會有好多好靚既裝飾架！

咦！Duffy 走左上 精靈 既手掌上面喎！好細粒，唔知你睇唔睇到呢？

中文版官網都有簡述今次活動既內容，不過當然就唔及日文版咁詳盡啦！但係，值得嘉許既係，個網頁整到好似人地Online Game咁樣，都係一個字：靚！

呢個係佢地日文版官網，最底既網頁指南，連咁細微既野都整得咁好！順帶一提，用手機上官網的話，更加有手機版！真係好周到！

好用心機設計既 Duffy 圖片。

愈睇啲資料就愈興奮啊！考試快啲過啦！咁我就可以自由自在去玩，同埋去日本搵 Duffy 啦！