話咁快，下個星期四，終於都可以去日本旅行啦！但係響出發之前，都唔能夠鬆懈，因為要預先做足功課！先前講到媽媽提議俾我自己一個人入 迪士尼樂園 玩，另一日就我地三個一齊入 迪士尼海洋玩。其實爸爸一直都反對，因為怕我自己一個人會有危險。但我都咁大個仔，又有電話，都唔洗咁擔心掛... 為見及此，為了確保我可以順利去哂兩個樂園玩，我就決定要整一個行程計劃，講好哂行程安排，再加上各種應急辦法，去說服爸爸俾我一個人去樂園玩！
另外，我仲有一份數學功課... 之前都有一篇文章講到日本嘅 Duffy 產品。冇錯，佢地除咗好靚好吸引之外，同時亦都係好貴！再者我又想響嗰邊嘅 迪士尼商店 買埋香港冇嘅 豆豆；於是，我為了控制好今次所花嘅錢，計定數俾自己參考。
不過我覺得最棘手嘅，都係計劃 東京迪士尼海洋 嘅行程... 因為嗰日要由 迪士尼渡假區 搬返出東京市中心到住，所以當日最盡都只可以玩到下午4點半。但係 迪士尼海洋 又有幾個 Duffy 表演，我又要搵 Duffy 影相，之後又要買 Duffy 啲產品，再加埋玩其他遊樂設施，時間真係好緊迫！
之前我亦有提及到 東京迪士尼 官方網頁上嘅日程篇制系統，我今次就真正試下用一用呢個系統，去諗下可以點樣編排好個行程。但係都冇用丫，因為時間真係唔夠用！希望到時唔洗排咁耐隊啦...
沒有留言:
張貼留言