離 灰熊山谷 開幕，都只係剩低一個幾月嘅時間...加上，奇妙處處通 會員試玩日又會響早一兩個禮拜開始，咁即係好快就可以入園區入面睇清佢嘅真面目！所以，今次可能係最後一次偷拍行動了，哈哈！首先就係樹屋偷拍 - 可以見到工程人員走咗上山頂整野！
自從車尾被封咗之後，我好耐都冇響火車偷拍，最多都只係自己偷睇。不過見呢排 灰熊山谷 啲宣傳功勢愈黎愈強，我都忍唔住偷拍一下！同之前一樣，第一張相係入口位，又可以見到 黑色馬戲班 啲裝飾仲未拆！
之後就見到好多樹，仲係一啲好有西部風味，奇形怪狀嘅樹！
礦車嘅隧道，啲佈置都好似完成了。亦可以見到園區入面嘅燈柱，唔知夜晚入去，又會有咩感覺呢？
園區入面真係有好多樹，同埋睇呢張相，好似睇唔到盡頭咁。可想言之，灰熊山谷 嘅面積真係好大！
終於影到路軌，上次見到試緊車，但今次就冇啦。
睇睇下啲相就愈黎愈期待啦！快啲開啦！>_<
沒有留言:
張貼留言