上次同大家分享了我對 米奇金獎音樂劇 嘅感覺，今次當然就係到 獅子王慶典 啦！事實上，我覺得樂園係可以再增添多一個劇場表演嘅... 因為只係得兩個又真係少咗啲... 就算唔係劇場表演，都可以係大規模啲嘅街頭表演，就好似以前嘅 歌舞青春熱跳速遞 咁，其實的確唔錯。一個好嘅表演，真係可以響遊客心目中留下深刻引象架。
講返 獅子王慶典，相比起 米奇金獎音樂劇，我更鍾意佢嘅劇情鋪排、互動性、音樂等。俾我嘅感覺係，佢更加似一個專業嘅音樂劇。加上劇場用了中心舞台設計，令人覺得同演出者更加接近。
表演一開始，整個場面係好魔幻，非常震撼。
介紹完角色之後，就正式開始 獅子王 嘅傳奇故事... 刀疤 趕走 辛巴，睇下佢個樣幾奸！
其中一個我鍾意嘅場景，就係 辛巴 同 娜娜 重逢嘅一刻。呢篇文章嘅封面相片就係嗰個埸景啦，俾人夢一般嘅感覺。之後 白鳥 飛了出來，連住絲帶，響半空中旋轉。
當 辛巴 返屋企對抗 刀疤 嘅時候，火焰效果亦係好震撼。
最後大團圓結局，一眾動物一齊跳舞。
值得一提嘅係，表演中嘅四架花車，都佈置得好靚。
要成為一位演出者，響舞台上表演，真係唔係一件簡單嘅事。所以，佢地每一位響背後所花嘅心血，非常值得我地敬佩！
沒有留言:
張貼留言