細看 米奇金獎音樂劇...

剛剛升上白金卡，可以一嘗優先入場嘅滋味。之前，每次要睇劇場演出，都要企成半個鐘先可以入場；而家可以優先入場，唔單止方便好多，仲可以自由揀位坐！

其實我以前唔多鍾意睇劇場表演，因為覺得同一套劇睇咁多次，會幾悶。不過而家影多咗相，響睇表演嘅同時都會影下相，就變得冇咁悶了。再者，我個人幾鍾意聽歌同唱歌，留意下表演者唱歌都算係一件樂事。

樂園入面有兩個劇場，分別上演兩套不同嘅音樂劇。我自己就鍾意 獅子王慶典 多啲啲，可能係因為表演比較有活力啦。但係 米奇金獎音樂劇 個劇本背景都唔錯，以頒獎禮為題材。另外一個賣點就係可以見到好多不同嘅 迪士尼朋友！

因為係參加頒獎禮，米奇 同佢班好朋友更加穿上了特別亮麗嘅衣裳！

米奇、米妮 仲有 反斗奇兵 牛仔牛女造型添！

一套完美嘅音樂劇包含好多元素：音樂、舞蹈、背景等等...  所以真係好值得我地細心欣賞劇中嘅每一個細節。曾經聽過一句說話：「台上一分鐘，台下十年功」每位表演者要得到觀眾嘅掌聲，絕對唔係一件容易嘅事。