上星期二入去樂園玩，終於續會了！之前提及過，因為想享用生日優惠嘅關係，所以今年選擇了白金卡。白金卡 嘅卡面閃爍著彩色嘅光芒，真係幾靚！當然唔少得一疊我認為係毫無價值嘅優惠券。
每次續會或購買新卡，樂園方面都會送上一條掛帶。另外仲有一套續會專享嘅徽章套裝。今年可以響徽章同一份晚餐之中二選一，我毫不猶疑就揀咗徽章。雖然唔係非常有收藏價值，不過總算可以留為紀念丫。
今年為慶祝新園區 反斗奇兵大本營 開幕，兩份禮物都以 反斗奇兵 為主題。鍾唔鍾意就好見仁見智，掛帶的話，我就鍾意上年嗰條啦，夠色彩繽紛嘛！
至於徽章套裝，我就覺得有點馬虎，只係由 迪士尼朋友 個頭構成。相比起上年嘅 迪士尼飛天巡遊 徽章，設計的確係冇咁細緻。不過背後嘅 三眼仔 背景又幾得意嘅！
上年嘅徽章套裝，係用盒裝住嘅，包裝同每杖徽章都設計得相當精美。
以前「全年通行證」嘅小禮物我都有儲起，但因為好多時都係買新證，所以有幾次嘅小禮物都錯過了... 不過以前啲禮物好似唔太吸引，所以應該都冇咩大損失。唔知下年又會用咩主題呢？灰熊山谷？迷離莊園？定係其他呢？只好拭目以待！
沒有留言:
張貼留言