日本迪士尼商店「尋豆」之旅?!

其實而家考完試，日日都冇咩好做，正常黎講可以多啲寫Blog。但問題係，我冇野好寫=_=    呢排入樂園玩又冇咩特別野...  暫時響入面又冇咩特別嘅小發現...  所以完全係冇話題可以寫！

拖下拖下又星期六...  終於絞盡腦汁諗到五篇文章主題。但尋日行完山又累，整理完啲相都已經累到冇心機寫，最後又拖到今日。

繼續響網上睇下日本嘅資料，今次到日本嘅 迪士尼商店。響佢地網站入面有好詳盡嘅產品目錄，又有好多野想買！但以下嘅產品就特別引起了我嘅注意...

就係 豆豆 公仔啦！仲有分「大豆豆」同「細豆豆」添！回想之前 OK便利店 嘅推廣活動... 真係要超好運先可以拎 豆豆 返屋企...  最可惜嘅就係 香港迪士尼樂園 方面又冇推出 豆豆 嘅產品...  今次去日本 迪士尼商店，終於可以得償所願啦！希望唔會冇貨啦！呢個公仔仲可以拎啲 豆豆 出黎，真係好得意啊！

好啦，又有另一個疑問... ( 我真係問題小子XD ) 有咁多野想買，點先可以安全地拎返哂返黎呢？事關我每次去旅行，出發嘅時候都已經就黎滿... 要諗諗計了...  就算拎得到返黎，都仲要諗下點樣先可以整齊地放置響我間房入面。唔緊要，成個暑假流流長，我大把時間執房，哈哈！