在溫泉旅館中住宿的晚上...

東京迪士尼之旅2012 - 旅程日誌

Day 4  日期：6月10日 (星期日)、地點：乘鞍溫泉

離開山谷坐返私家車之後，我地就開始去當晚住的溫泉旅館啦！車程大約半小時，但係我都已經幾累，所以就同 Duffy 佢地響車上訓覺。去到之後，沖咗個涼浸下溫泉，之後就食晚飯啦！佢地通常都幾早食晚飯同早餐，今次嘅晚飯係傍晚6:30食嘅。一入到食堂，就見到有兩個炭爐，插住一支支嘅魚響到燒緊。

坐到埋位，大部份食物已經響哂到，係好傳統嘅日式料理。有三文魚沙律，同埋好多前菜同小吃。

每人仲有一個小火鍋，用黎煮牛肉黎食。

之後仲有天婦羅送到。

啲魚都燒好啦！不過都幾多骨，食嘅時候要好小心。

白飯任裝，我好似食咗三碗，因為真係好鍾意食飯！而我呢一日亦餐餐都有飯食，正！

飯後水果，蜜瓜一小件 。

食完飯返上去，貪得意同 Duffy 佢地著和服。呢篇文章嘅第一張相係 小Duffy，以下呢張就係 大Duffy。

真係好累... 所以睇多陣電視就訓覺啦...  個枕頭幾硬，我最後係選擇唔用，直接放個頭響床單上面。

下一日又有非一般的經歷... 下篇文章繼續分享！