東京迪士尼之旅2012 - 旅程日誌
Day 4 日期：6月10日 (星期日)、地點：乘鞍岳
大家睇到標題大家可能會呆一呆，夏天點會有雪山啊？咁係因為山上嘅積雪溶唔哂，可能要再去到七至八月先會冇哂雪。而我亦都響雪山上體驗了一個非常特別嘅歷險。
當日好早就起咗身，因為旅館係早上7:00食早餐嘅。
早餐都好豐富，先有三文魚；都係要食得好小心，因為都多骨。
之後有我喜愛嘅溫泉蛋！
仲有其他小吃，同埋都有飯，所以都好飽。
食完早餐就趕住要走啦，因為今日去嗰到又係要轉巴士，並且比較疏車，走咗一班車就要等好耐。響旅館個停車場，無意中俾我發現，我地隔離嗰架車上掛咗一隻 ShellieMay！仲有一隻 Pooh 添！
上到巴士啦，都要坐大約四十五分鐘車。同之前嗰日一樣，為咗拎少啲野，我只係拎咗 迷你Duffy 陪我。
上到山啦，周圍都好多雪。其餘同車嘅人主要都係上黎滑雪，得我地係上黎睇風景。
山上有啲係白色嘅積雪，有啲就係綠悠悠嘅草木，好得意。
山上只係得兩座小屋，一間係洗手間，另一間唔知係咩黎。
有部份位置啲積雪都幾高架，變咗做雪牆。
我無無聊聊響雪牆上畫咗一隻 Duffy，哈哈！
有啲樹木響積雪之中生長，好頑強嘅生命力啊！
因為真係好疏車，我地又唔滑雪，係山上係冇野好做嘅。唯有行返落去頭先坐巴士時見到嘅一間小餐館，當係行下山囉！以下呢張相之中，左手邊間屋就係嗰間餐館啦！
響霧中隱約見到一座又一座嘅雪山。呢張相左手邊可以見到有一位單車手，啲路咁斜，相信都會幾辛苦。
行行下見到一棵好高大嘅樹，冇野好做，又影下佢先。
某些位置啲雪溶得快啲，露出原本嘅一舊舊大石。
行咗大約一個鐘，終於都到啦！
入面有一個暖爐，但冇開到。
天氣都幾凍，如果唔係啲雪邊有溶得咁慢，所以黎到呢間小餐館，立即叫杯熱朱古力取下暖先！
真係好疏車，響呢到都等咗好耐車。
搭巴士落山嘅時候見到遠處翠綠嘅山巒，加上天氣唔錯，又係一個靚景！
返到落山，再一次，一家團聚啦！
沒有留言:
張貼留言