東京迪士尼之旅2012 - 旅程日誌
Day 2 日期：6月8日 (星期五)、地點：諏訪
繼續坐車去當晚住嘅酒店，再上高速公路，又有卡拎。
個天開始暗暗地，明明五點都未夠，我已經開始覺得好累...
響休息站去個廁所，再入一入貨。
我的遊走良伴 - 飯糰！我超鍾意食！
之前支檸檬茶飲哂，今次買咗一樽麥茶，啲麥味都幾濃。
好啦！到了當晚入住嘅一間旅館，我從未見過嘅房間佈局！呢篇文章嘅第一張相就係 Duffy 佢地坐響碌架床上面。
同上一日一樣，休息一會之後就出去食晚餐。當日晚餐去了食燒肉 ^_^
又有新野俾我見識！燒爐上放個窩用黎烚菜。
燒肉份量唔係好多，之後又去了食壽司。再一次有新發現，我亦必定要響呢到同大家分享呢個咁正嘅發明！
響呢間壽司店入面，全部都係卡位黎，冇平時嘅一張張椅。而每一張桌，都有一種獨自嘅顏色黎作為標記。迴轉帶上面有一部機，可以落單，叫一啲帶上面冇嘅野食。可見機嘅右手邊標示我地呢張桌係桃色。
落單後，廚房就會開始整啦。整完之後，佢地就會加上桃色盤，再放上迴轉帶。當你見到桃色盤嘅時候，就代表呢碟食物係你專用架啦！響食物黎到嘅時候，部機仲會響，提醒你拎。真係好特別嘅系統，全自動，真方便！
除咗壽司之外，我仲試咗燉蛋同埋綠茶糯米滋。個燉蛋好足料，有蝦、 帶子等。個糯米滋都好好味！
食完野就返酒店休息啦，之後一日嘅行程好豐富呢！
沒有留言:
張貼留言