入正題之前，先恭喜一下自己先！因為呢篇文章係呢個Blog嘅第200篇文章啦！之前100篇嘅時候係響三月中，估唔到咁快就去到200篇啦！我都唔相信自己竟然可以堅持咁耐，我好多時都三分鐘熱度。 =_= 響呢到，都多謝各位支持，我會繼續寫多啲有趣嘅文章！
東京迪士尼之旅2012 - 旅程日誌
Day 7 日期：6月13日 (星期三)、地點：東京市區
呢一晚嘅酒店，其實係去返第一晚住嘅嗰間。放低行李之後，爸爸話想搭火車去食下雜誌推介嘅拉麵。但係我地都已經有啲肚餓，所以去食啲壽司先。
我地間酒店嗰區叫做 上野。
之後我地就坐火車去食拉麵啦！
先去第一間拉麵店，我地三個人叫咗兩碗唔同嘅拉麵食。
去完第一間就去埋上次黎日本食過嘅一間店，因為覺得好味，所以點都要再試！今次我地三個人食一碗，因為都有啲飽。
食完野就返酒店，媽媽買咗一串小提子。
而我，就買咗一盒綠茶雪糕粒，好味！
呢日去完 迪士尼海洋，真係好累！但係我都欣賞埋啲戰利品同埋數埋啲膠袋先訓覺，哈哈！
聽日就要返香港啦！都真係有啲唔捨得，好似好快就完咁嘅...
沒有留言:
張貼留言