灰熊山谷預演日抽獎 - 虛驚一場!

尋日去樂園嘅時候，都仲係好擔心 灰熊山谷 預演日嘅抽獎結果！響等緊 米奇水花巡遊 嘅時候，上網睇下，第一眼見到「你已被抽中」，都唔太放心，再睇多次，的確係「你已被抽中」，即時響心中講咗句「好彩！」。

尋日去樂園玩嘅時候，一入到去第一件事就係去 灰熊山谷 入口睇下。

嗰到有個牌寫住 灰熊山谷 會於7月14日開幕。

亦可以見到遠處印有三個新園區名稱嘅招牌。

真係好期待自己可以響7月8日經過呢條橋下面，進入一個新世界！

另一邊廂，反斗奇兵大本營 嗰邊嘅 迷離莊園 入口，好似冇咩唔同喎。

從網友到得知 迷離莊園 條通道將會開通，響 迷離莊園 開幕之前，我地都可以用呢條通道來往 反斗奇兵大本營 同埋 灰熊山谷。所以，我就突登去玩一次 玩具兵團跳降傘，想響高空睇下呢條通道。

雖然今次嘅預演日抽獎只係虛驚一場，但都希望下次可以安排得再好啲啦！不過點都好，真係好想快啲到7月8日嘅預演日同埋7月14日嘅開幕日啊！