東京迪士尼海洋 園外記事

東京迪士尼之旅2012 - 旅程日誌

Day 7  日期：6月13日 (星期三)、地點：東京迪士尼渡假區

黎到響 迪士尼渡假區 入面渡過嘅最後一日啦！之前嗰日我就自己同 Duffy 佢地去咗 東京迪士尼樂園；今日同爸媽去嘅，就係我期待已久嘅 Duffy 勝地 - 東京迪士尼海洋！去之前，都係響酒店房入面食返個簡單早餐先。今日除咗飯糰之外，仲有一隻半熟蛋。

今日嘅野飲都係我之前想飲咗好耐嘅野... 我終於飲到牛奶啦！另外，之前講到我想飲嘅紫蔬果汁，今日都飲到啦！

因為今晚唔係繼續住呢間酒店，所以要執定野，將行李寄存響酒店到，去玩完之後再返黎拎返。Check Out後搭穿梭巴士，再響巴士入面影多啲相啦！車尾原來都有一隻黑白 米奇 架！

啲座位上面都有 米奇 頭型。

總言之，就全車都係 米奇 啦！

坐完巴士去單軌鐵路站，就再坐單軌列車去 東京迪士尼海洋站。去到嘅時候係10:15，迪士尼海洋 已經開咗個幾鐘，所以啲人都已經入哂去。

我昨日已經買咗兩日門票，爸媽今日就要買返一日門票啦。

又跳到去離開 迪士尼海洋 嘅一刻啦！因為今日要返出去市中心，所以要早啲走。大約下午4:45，我地就離開，坐單軌列車返酒店拎返啲行李。

原來呢個站都有有關單軌鐵路嘅展覽牌架！

好啦！真係要離開 迪士尼渡假區 啦！就影返張 迪士尼渡假區線 嘅招牌黎做總結啦！