指揮家米奇呈獻: 米奇魔法交響樂

呢篇文章講嘅，又係一個香港都有嘅遊樂設施，今次我地跳返去 夢幻樂園。大家睇標題，見到寫住 指揮家米奇，應該唔難估到係邊一個遊樂設施架啦！就係 米奇魔法交響樂 Mickey's PhillarMagic，亦即係香港嘅 米奇幻想曲！

香港版本就將等待區整到好有鄉村風味，配合返整個 幻想世界 嘅建設。而東京呢邊，一入到等待區，就好似黎到一個莊重嘅音樂廳咁。可以見到牆上有一啲樂器同埋樂譜嘅畫響到。

再行入去另一個等待區，就係音樂廳嘅大門啦，周圍都佈置得好華麗。

拎3D立體眼鏡啦！佢地呢邊呢幅係紫色架！唔同我地黃色嗰啲。

音樂廳前廳入面，有好多展覽箱，入面放咗一啲 迪士尼朋友 造型嘅戲劇服裝，以及戲劇道具。

可以特別留意下，迪士尼朋友 嘅造型上特別加咗戲劇面具，感覺上好似更有藝術氣息。

入到去音樂廳，個佈局同香港版本冇咩分別。

整套3D電影亦都同香港版本冇分別，只不過由英文變成日文...  因為畫面係配合英文配音嘅，所以我察覺到啲口型有啲不合，不過問題不大嘅！但同時，因為啲歌曲都全部變哂日文，就覺得有啲唔慣，好似冇咁好聽。事實上，香港有時都會有廣東話版本嘅歌曲，我通常都係覺得英文好聽啲嘅，哈哈！