進入海盜世界, 親身經歷魔盜王的故事!

加勒比海盜 Pirates of the Caribbean 又係一個經典遊樂設施，佢係響1987年於加洲 迪士尼樂園 首次面世嘅，除咗香港之外，每個 迪士尼樂園 都會有。

響 東京迪士尼樂園 呢到，呢個遊樂設施嘅門口係位於 探險樂園 小巷嘅。但響出面睇，入口同周圍建築差唔多樣，並唔顯眼；我都係見到好多人行入去先知呢個係門口。一入到去，就見到一條水道，一架架船響上面浮動，我地就要響水道旁邊向前行，行去月台。

因為係室內遊樂設施，入面又比較黑，所以冇影到相，不過都簡單講下啲重點啦。呢個遊樂設施就係將 魔盜王 JackSparrow 嘅故事重現出黎，而我覺得有三樣特別嘅地方...

第一，整個場景係佈滿水嘅，而唔係好似香港 小小世界 咁樣，只係得一條水道，響架船行緊嘅時候，我地就好似真係響海上行緊咁，周圍都係海。

第二，呢個遊樂設施都加入咗少少刺激元素，有一下突然墮落，都俾佢嚇咗一跳...

最後一樣，就係啲角色整得好似真人！我曾經有一刻懷疑過究竟係唔係真人扮！以下係響航程最後時影嘅 JackSparrow，再一次見識到迪士尼 AudioAnimatronics 嘅威力！

落船後，月台上亦有一幅海盜地圖；地圖上有好大個交叉！唔知收埋咗啲咩呢...？

講起經典遊樂設施，再一次令我諗起 香港迪士尼樂園 好似冇咩迪士尼經典遊樂設施咁...

有好多經典遊樂設施係全世界嘅 迪士尼樂園 都有，偏偏係香港冇...

雖然係咁，但係我都嘅 灰熊山谷 同埋 迷離莊園 都係全球獨有，都值得我地自豪嘅！