位於 探險樂園 嘅 叢林巡航 Jungle Cruise，其實即係我地香港嘅 森林河流之旅。基本上整個旅程都係差唔多，不過就有啲野係佢地有我地冇嘅...
響等待區入面，可以見到有辦公桌，桌上有好多通信器材，而旁邊就有啲水果響到。咁就證明呢個碼頭係一個好重要嘅港口，結集咗交易、通信等嘅功能。
上船啦！架船同香港嗰啲差唔多，但呢邊啲船設計上比較好...落雨時個蓬唔會滴水，船上啲座位亦冇濕，Good！
同香港差唔多嘅場景我冇特別影低，我只係影咗啲香港冇嘅佈置。首先，呢邊個古廟係響一個洞入面嘅，而唔係戶外；洞內亦有老虎響入面！
香港冇獅子，但呢邊有！佢地仲食緊隻斑馬！估唔到有咁殘忍嘅場面出現！
東京迪士尼樂園 呢邊嘅版本仲多好多大象添！佢地一齊響池塘沖涼！
另外亦有部份香港冇嘅場面，但架船行得太快，我影唔切。其中包括架探險船會經過一個大瀑布嘅旁邊，同埋會有一個土著響河邊餵大象等等。香港個版本新啲，反而就我地有嘅佢地都有...
玩呢個遊樂設施時，我再一次遇到語言障礙；個船長全程講日文，所以我唔知佢講咩。而今次嘅問題亦更加大，因為呢到同香港一樣，船長會響旅程期間講笑話嘅。當全船人都響到笑嘅時候，我就唔知佢地笑緊啲咩，好無奈啊... =_=
沒有留言:
張貼留言