錯失了的機會, Duffy迪士尼小熊拍照熱點...

響 美國海濱 嘅呢個位置，我發現咗呢舊野，寫住 Duffy迪士尼小熊拍照熱點。我當時以為園方係提議我響呢個位幫 Duffy 影相，叫我用手拎住佢地黎影。但我心諗，拎住佢地，好似好唔方便喎... 但如果我放佢地響條欄杆上面，佢地跌落海點算！

最後，我只好放棄響呢個咁靚嘅景色底下同佢地影相嘅機會，只係亦咗個景。

到我睇返啲相嘅時候，我突然靈機一觸，發現原來呢舊野係可以打開俾 Duffy 佢地坐響到影相！我嗰一刻真係諗極都諗唔明呢舊野有咩用，以為係用黎放小冊子不過俾人拎哂...  ( 我真係傻咗，都唔知係唔係眼大睇過龍，人地咪大大隻字寫住 Open，仲有箭咀指住！) 以下係響 東京迪士尼渡假區 官方網站搵到嘅正確使用方法示範圖片。

響不同嘅主題園區入面，都有呢啲 Duffy迪士尼小熊拍照熱點 架！

其實響樂園指南入面都有標示，我本身已經留意到，諗住呢啲位置會有啲特別佈置可以影；但去到有關位置嘅時候又咩都搵唔到，所以慢慢就冇再理會呢啲標示。我而家先知道原來呢啲標示就係 Duffy迪士尼小熊拍照熱點，可以幫佢地影相。而家先發現，我覺得自己好白痴... =_=   機會已經錯失咗啦，唯有又係寄望下次去嘅時候再影啦...

好啦，分享完我嘅白痴野之後，下一輪就會去到重點遊樂設施啦！敬請期待！:)