靜候生日來臨的一刻...

前幾年嘅生日，好多時都要返學，所以我生日前夕通常晚上11:00就會上床訓覺。雖然係訓咗響張床上面，但係我都會特別等到12:00來臨嘅一刻，同自己講一聲：生日快樂！

今年嘅生日唔洗返學，響生日前夕更加可以黎到 迪士尼好萊塢酒店，真係好開心！響 米奇廚師餐廳 食完野之後，就返咗上房，慢慢等待12:00來臨，期待著切蛋糕嘅一刻！

其實我而家已經唔記得咗嗰陣響房入面做咗啲咩 =_=，不過時間好似好快就過去咁...  2012年9月3日終於黎到啦！我地食蛋糕啦！Duffy 即時又變得好興奮！

呢個就係我嘅生日蛋糕啦！餐廳嗰到響訂蛋糕時有四款俾我揀，而我就揀咗呢款鮮果忌廉。蛋糕嘅前面仲有一塊好大塊嘅 迪士尼朋友 糖牌！上面寫有 Magical Celebration「奇妙的慶祝」

另外，蛋糕上面仲有一塊 米奇 糖牌，寫住 Happy Birthday To Thomas！

餐廳方面俾咗一包餐具同紙盤我地；嘿嘿，難得有乾淨嘅紙盤，我又拎咗個返屋企做紀念！

有一個咁靚嘅生日蛋糕，除咗開心之外，真係冇另一個形容詞可以形容得到！不過我覺得最神奇嘅係，我地三個人，響一晚之內，竟然可以食得哂咁大個生日蛋糕，哈哈！