上年曾經有一段長時間，樂園入面係完全冇咗 Duffy迪士尼小熊 嘅蹤影，冇得同佢見面、影相... 去到 迪士尼雪亮聖誕2012，一個屬於 Duffy 嘅節日，佢終於每日都出現於 美國小鎮大街！響活動完結後，Duffy 亦搵到一個新嘅落腳點喎！而家，佢經已長註響 幻想世界 夢想花園！
嗰日發現佢搬咗屋，我同朋友就即刻去佢嘅新居搵佢！Duffy 仲做咗佢嘅招牌動作同我地打招呼！
呢次咁啱係我第一次帶東京 大Duffy 熊仔入樂園玩，估唔到佢第一次黎玩就有幸同 Duffy 見面！Duffy 見到我隻熊仔嘅時候都好開心，同佢握手之餘仲錫咗佢一啖，佢果然係一隻幸運嘅小熊！
響到亦要特別感謝幫我影相嘅演藝人員姐姐，幫我影咗好多靚相，令我可以記住奇妙嘅一刻！
各位 Duffy 粉絲，快啲帶埋自己嘅小熊，響園內與 Duffy 見面，體驗奇妙、難忘嘅時刻啦！:)
沒有留言:
張貼留言