樂園近期都先後推出咗 曲奇餅、個人化名牌 等等嘅 Duffy 商品，估唔到話咁快又有新商品出場！
呢樣商品就係先前同大家介紹過嘅 Duffy 睡衣套裝！之前響美國推出後，而家終於登陸香港啦！
同以往推出嘅服飾套裝有少少唔同，今次嘅睡衣套裝係用咗盒黎包裝，仲設計得好精美添！
盒上亦印有以不同語言翻譯嘅「Where will you take Duffy?」，中文版本係「你和Duffy同遊嗎？」
呢個睡衣套裝包含上衣、下衣、帽、拖鞋，以及枕頭；等我睇真啲，睇下啲配件有咩特別先！
上次都講到，響呢套衫可以搵到好多圖案；上衣、下衣用淺藍色做底色，並印有多款 Duffy 圖案。
上衣嘅旁邊釘有 Duffy迪士尼小熊 招牌，而今次嘅招牌都配合返套衫嘅底色，改成淺藍色。
值得一提嘅係，今次條睡褲嘅左邊位置並冇加上 米奇 頭型圖案，唔知係唔係特別設計成咁嘅呢？
至於睡帽方面，都係淺藍色嘅，正中間印有 Duffy 嘅名字，同時釘有 Duffy 迷你招牌。
呢對拖鞋，底部當然就係 Duffy 最出名嘅可愛腳印！拖鞋嘅正面亦都有一個船錨嘅圖案。
最後，白色嘅枕頭上就有黎自 東京迪士尼海洋 嘅 Tippy Blue，今次係佢首次衝刺 東京迪士尼！
買咗新衫，返到屋企之後立刻俾我嘅 Duffy 小熊著上身先！嗯，果然係好靚好可愛！
睇下！佢已經訓咗響自己個枕頭上面，睇黎已經準備好同我一齊訓覺，一齊進入美好嘅夢境之中！
香港迪士尼樂園 呢排的確係突然俾咗好多驚喜我，響樂園行行下見到新嘅 Duffy 商品真係好開心！但係... 小飛俠套裝呢？美國嗰邊明明係出咗小飛俠套裝之後先出睡衣套裝！究竟幾時有得賣！>_<
沒有留言:
張貼留言