為自己的 Duffy迪士尼小熊 戴上主題名牌!

上星期入樂園玩嘅時候，終於都幫自己同埋 Duffy 整好咗最新嘅個人化主題名牌啦！我同 Duffy 一齊戴起呢個名牌的話，一定會好合襯啦！但話時話，點解我好似愈買愈多咁嘅...  =_=





而家，Duffy家族 擁有兩個屬於佢地嘅名牌，不過佢地應該都係鍾意新嗰個多啲，哈哈！好搞笑，大Duffy 明明著住套睡衣服飾，應該會同個名牌好唔襯，但咁樣睇又唔錯喎！





雖然 Duffy 佢地可以輪流戴名牌，但係影呢張相嗰陣，小Duffy 冇得戴名牌，好似好慘咁...  睇下樂園遲啲會唔會推出更多款式不同嘅名牌啦，如果有靚嘅款式的話，我都會整一個俾佢嘅！

---

2013年1月2日

開估！我所講緊嘅，就係 Duffy迪士尼小熊 主題名牌！而我亦都終於入咗樂園睇清楚啲啦！今次呢樣新產品，正面係白色嘅，附有一個 Duffy 小徽章；底色就配合返 Duffy，用咗啡色。同之前一樣，購買呢個名牌之後即可享有免費個人化服務，將自己想要嘅名字刻響名牌上面。

雖然我之前已經幫自己、Duffy 整過幾個個人化名牌，不過我今次依然決定再整多兩個新名牌！當然，一個係寫「Thomas」，另一個就寫「Duffy」啦！等我下次入樂園玩嘅時候就去整啦！

---

2012年12月30日

呢篇文章黎一個相片重溫：呢一刻又想同大家玩個猜謎遊戲，究竟點解我突然要重溫呢張相呢？昨日偶然間見到一樣野，不過我就未睇得清楚，亦未影到相，所以暫時就唔能夠詳細分享...  唔知你估唔估到我見到啲咩呢？睇下呢篇文章嘅標題、分類可能會諗到答案！嘿嘿！