巨大Duffy 換新裝, 過新年!

自從響 東京迪士尼海洋 買咗一件春日巡航T恤俾 巨大Duffy 之後，佢就一直都著住嗰件T恤；見佢好似好耐都冇換衫，於是我就響樂園物色一啲款式比較靚嘅童裝衫，買返黎俾 巨大Duffy！

有一次，響 灰熊山谷 偶然發現到，原來佢地出咗一套童裝，分別有T恤同埋短褲，仲要幾靚添！一直都以為佢地剩係出咗T恤，見到有一整套衫發售，我就即時買咗返屋企俾 巨大Duffy 著！

T恤上面有圍巾嘅圖案，充滿西部氣息；如果有加大碼嘅話，我就會買俾自己著架啦，可惜冇...

呢件T恤嘅底部有一個 灰熊山谷 嘅灰熊爸爸標誌，另外亦釘有代表「Grizzly Gulch」嘅標誌。

短褲都有標誌，不過就唔係灰熊爸爸嗰個版本；另一邊更加有灰熊媽媽、灰熊BB圖案，好可愛！

T恤同埋短褲都分別附上 灰熊山谷 招牌，表示呢套衫係黎自 香港迪士尼樂園 入面嘅 灰熊山谷！

雖然買咗一套新衫俾佢，但係有時見到啲童裝T恤設計得好得意，又會令我心郁郁想買返去...

安仔玩具箱 開幕之後，我見到一件幾靚嘅新款童裝T恤，最後我係忍唔住又買咗俾 巨大Duffy！

呢件藍色T恤印有三隻 綠色小人，仲有一飛衝天嘅 巴斯光年！而上面嘅線條更加有凹凸效果！

同 灰熊山谷 嗰件T恤一樣，呢件衫嘅底部都釘咗 反斗奇兵大本營 嘅標誌，同時亦有附送招牌。

巨大Duffy 可以換新裝過新年，佢好開心呢！唔知你同自己嘅 Duffy 又會過一個點樣嘅農曆新年呢？